Mar 2:23-28 | YomNWM | STEP | Bu kaba viokila mu tsola yi ble mu lumbu ki saba ; minlonguki miandi bu miba vioka, mivela ble .

Mark 2:23-28

Yesu niandi Pfumu lumbu ki saba

(Matayi 12.1-8 ; Luka 6.1-5)

23 Bu kaba viokila mu tsola yi ble mu lumbu ki saba ^{▼▼Lumbu ki saba : tala Matayi 12.1} ; minlonguki miandi bu miba vioka, mivela ble ^{▼▼ble : tala Matayi 3.12 ; 12.1 ; Luka 3.17.}.

24 Buna Bafalisi bankamba :

—Tala ! Bila mbi minlonguki miaku mimvangila mambu momo makanduku mu lumbu ki saba e ?

25 Niandi wuba vutudila :

—Lutengi ko mambu Davidi kavanga mu thangu niandi ayi bakundi bandi baba nzala ayi bakambu bidia e ? 26 Wukota muna Nzo Nzambi, niandi ayi bakundi bandi badia maphamomo matambuku kuidi Nzambi. Mu thangu beni Abiatali niandi wuba pfumu yi zinganga. Muaki zinganga ziawu kaka ziba minsua mu dia mapha beni ; vayi Davidi wudia mawu ayi wuvana batu bandi.

27 Yesu wubuela bakamba :

—Lumbu ki saba kivangu mu diambu di mutu, bika sia ti mutu niandiwuvangu mu diambu di lumbu ki saba. 28 Diawu Muana Mutu niandi Pfumu lumbu ki saba.